Plantun de Prouvènço

Pèr coumpara dos planto d'encò nostre

Parentucellia viscosa & Euphorbia palustris

Parentucellia viscosa

Orobanchaceae Scrophulariaceae

Noms en français : Eufragie visqueuse, Bartsie visqueuse .

Descripcioun :
Aquéu Parentucellia o éufrasié es uno planto de l'an pulèu pichoto emé de péu glandoulous (fotò). Li fueio soun alterno, un pau coume de lanço, sènso pecou e dentado. Li flour jauno an dos labro, aquelo de davans di 3 partido e la de darrié en capouchoun.

Usanço :
Sara peréu escricho dins quàuqui tèms.

Port : Erbo
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Parentucellia
Famiho : Orobanchaceae
Famiho classico : Scrophulariaceae

Coulour de la flour : Jauno
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Planto pegouso

Liò : Tepiero sablouso - Coustiero
Estànci : Pancaro entresigna
Couroulougi : Pancaro entresigna
Ref. sc. : Parentucellia viscosa (L.) Caruel, 1885

Lachusclo(-de-palun)

Euphorbia palustris

Euphorbiaceae

Nom en français : Euphorbe des marais.

Descripcioun :
Grando laschusclo que pòu faire mai d'un mètre d'aut. Ei sènso péu, se recounèis majamen à si fueio e si ramo sènso flour (fotò). Si boursèu soun berrugous. Vèn dins li palun e proche de ribiero. Coumpara emé la lachusclo-d'Ilirìo que trachis dins li mémi relarg e ié sèmblo proun.

Usanço :
Coume tóuti lis meno d'Euphorbia, aquesto éufòrbi es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco. Pamens, poudès vous n'en servi pèr crema li berrugo.